Raddir fólksins leggja fram kæru - Myndband - Borgaravaktin.

Borgaravaktin mætti á svæðið og tók upp þetta myndband.


Réttlæti Ekkert Ofbeldi - Lag og myndband.

Blandarinn og Górillu-Video teymið kynna.

Réttlæti ekkert Ofbeldi.

 

Tónlist : Blandarinn....

Video : Górilla.....


Borgaravaktin - Sannar sögur úr Seðlabankanum - Myndband.

Fólk lagði mikið uppúr því að ræða við Lögregluna, hópurinn stóð saman.

Í hvert skipti sem einhver bað um orðið varð grafarþögn og orðið gefið.

Engin sem þarna var staddur vildi ofbeldi , leiðinlegt að maður skuli þurfa að taka það fram en svona er Ísland í dag , ákaflega stoltur af þessu fólk. Geir Jón valsaði hiklaust inní allan skarann því hann veit sem er að honum stafar ekki nokkur hætta af fólki sem þarna var saman komið, enda spjallaði hann vel og lengi við alla sem vildu tala við hann.Ég spurði hann um skoðun hans á málum landsins en hans sagðist ekki mega svara mér meðan hann væri í vinnunni.

Góður maður hann Geir Jón, finnst manni einhvern veginn.

Lögreglan hótaði táragasi (piparúða) en um leið settust allir niður og settu hendur uppí loft. Það var merkilegt að þetta endaði með að drengur , örugglega 18-19 ára var sá sem leysti pattstöðuna.

Hann bað um orðið, allir þögnuðu. 

Hann bauð Lögreglumönnum uppá að sýna mótmælendum samstöðu með að fara og þá skyldu allir fara ..........þeir gerðu það og allir sem einn fóru mótmælendur út.

Lögreglan sigraði , mótmælendur sigruðu....allir sigruðu.

Ótrúleg samstaða og merki um alvöru og innihald þessara mótmæla , það var engin ofbeldisfullur , froðufellandi , skríll eftir sem heimtaði að fá að vera áfram til að valda einhverjum usla.

Texti : Arnar Helgi Aðalsteinsson

 

Bendi einnig á pistil á NEI.

Herská, friðsöm mótmæli: góð æfing í Seðla­bank­anum

 


Borgaravaktin. JúTúb Sjónvarpsstöð. - oktober-

Oktober hefur tekið upp nafnið Borgaravaktin  , við erum komin með húsnæði og vefsíðu (sjá link) og erum að fara að setja hlutina af stað. Ákváðum að Borgaravaktin hentaði betur og er mun meira lýsandi fyrir það sem við viljum gera. Hver sem er getur sent efni á Borgaravaktina og hvetjum við alla sem eiga upptekið efni af atburðum líðandi stundar að senda til okkar og við birtum það á einum stað.Það er full ástæða til að mynda mótvægi við skoðanaveitur landsins.

Húsnæðið er hugsað sem miðstöð þeirra sem taka þátt en einnig munum við setja þar upp aðstöðu til að taka viðtöl og jafnvel spjallþátt. Vantar skelegga einstaklinga sem hafa áhuga á að gera þátt.

Einnig eru uppi hugmyndir um að fá bloggara til að spara handa okkur einn pistil sem viðkomandi bloggari myndi lesa í kameru ," Blogg vikunnar " eitthvað slíkt. Hafið samband ef þið hafið áhuga,það fá allir tækifæri til að spreyta sig.

Það er ýmislegt í bígerð hjá okkur , pistlar um fjármál heimilanna,viðtöl o.s.f.r.v.

Borgaravaktin er JúTúb sjónvarpsstöð samansett af almenningi fyrir almenning.

Erum ágætlega stödd hvað varðar tæknimálin en vantar enn góða penna, þáttastjórnendur, og hugsandi fólk sem vil taka þátt.

Hvet atvinnulausa blaðamenn til að hafa samband ef þeir vilja starfa með okkur.

Okkur vantar einnig húsgögn í húsnæðið ef einhver vil vera svo góður að hjálpa.

Öll vinna er sjálfboðavinna!

Koma svo Íslendingar.

Hafa samband.

borgaravaktin AT gmail.com


Seðlabankinn í dag - Myndband----Oktober.

Fylgist með "Skrílnum" leysa málin á friðsaman hátt.

Ofbeldi !!! ....nei svo sannarlega ekki .


Frumvarp til laga um frystingu á eigum Banka/Auðmanna.

 

Flm.: Álfheiður Ingadóttir, Kolbrún Halldórsdóttir,

Jón Bjarnason, Ögmundur Jónasson.

 

Fjármálaeftirlitið getur krafist þess að eignir fyrrverandi stjórnenda, eigenda og tengdra aðila þeirra fjármálastofnana sem íslenska ríkið hefur yfirtekið á grundvelli 1. gr. skuli kyrrsettar þar til opinber rannsókn leiðir í ljós hvort viðkomandi njóti réttarstöðu sakbornings vegna gruns um refsiverða háttsemi í aðdraganda og í tengslum við setningu laganna. Um kyrrsetningu á eignum sakborninga gilda ákvæði 85. gr. laga um meðferð opinberra mála.

 

Samkvæmt frumvarpi þessu er Fjármálaeftirlitinu veitt heimild til að kyrrsetja eignir fyrrverandi stjórnenda, eigenda og annarra tengdra aðila gömlu bankanna þriggja, Landsbanka, Kaupþings og Glitnis.


    Óhjákvæmilegt er að umfangsmikil rannsókn fari fram á þeim atburðum sem urðu valdir að því efnahagshruni sem íslensk þjóð stendur núna frammi fyrir. Rannsóknin getur leitt í ljós að þeir sem mesta ábyrgð báru á starfsemi umræddra banka hafi gerst sekir um saknæma hegðun og að þeir hafi hagnast með óréttmætum hætti á kostnað ríkisins eða annarra einstaklinga eða lögaðila.


    Með því að nú eru margar vikur liðnar frá hruni bankanna án þess að rannsókn sé hafin á aðdraganda þess og hugsanlegri saknæmri háttsemi fyrrverandi stjórnenda, eigenda og annarra tengdra aðila er hætt við að rannsóknarhagsmunum verði spillt og eignum jafnvel skotið undan. Í núgildandi lögum eru upptöku eigna settar þröngar skorður en miðað við aðstæður er rík ástæða til að rýmka nú þegar heimildir til kyrrsetningar eigna sem að lokinni rannsókn kunna að vera taldar tengjast ólögmætri auðgun eða vera andlag skaðabótakrafna einstaklinga sem hafa orðið fyrir fjárhagstjóni vegna starfsemi bankanna undanfarin ár.


    Tilgangur frumvarps þessa er að reisa skorður við því að framangreindir aðilar ráðstafi eignum sínum á meðan ekkert liggur fyrir hvort, að hve miklu leyti og hverjum þeim beri að bæta það tjón sem orðið hefur vegna hrunsins. Þrátt fyrir að inngrip í eignarréttinn af þessu tagi eigi sér fá fordæmi verður til þess að líta að um tímabundna aðgerð er að ræða sem skoða þarf í ljósi þeirra sérstöku atvika er leiddu til setningar svonefndra „neyðarlaga“, þ.e. laga um heimild til fjárveitingar úr ríkissjóði vegna sérstakra aðstæðna á fjármálamarkaði o.fl., nr.


Frumvarpið gengur ekki óeðlilega gegn hagsmunum viðkomandi einstaklinga enda fellur kyrrsetning niður skv. 85. gr. laga um meðferð opinberra mála ef rannsókn leiðir ekki til saksóknar eða viðkomandi er sýknaður með endanlegum dómi af greiðslu sektar skaðabóta og sakarkostnaðar eða upptaka eigna hefur ekki verið dæmd.

 Frumvarpið


16 ára stúlka á slysadeild eftir Lögreglu-Gas.

 http://www.anna.is/weblog/2008/11/eg_get_ekki_se_augun_og_andlit

22112008-thumb

 

 

 

 

 

 

 

 

 

 

 

 

 

 

"Ég veit líka hver beilaði Hauk út en Eva tók af mér loforð um að ég myndi ekki segja frá hver það var. Ég ætla samt að segja frá því að þessi aðili er hátt settur í réttarkerfi Íslendinga og vildi borga Hauk út því hann óttaðist óeirðir ef honum yrði ekki sleppt."

"Magnað að svona háttsettur embættismaður hafi borgað sektina úr eigin vasa til að bæta fyrir framgang réttvísinnar á Íslandi."

"Ég borga hinsvegar fyrir þjónustu á slysavarðsstofunni til að hlúa að barninu mínu sem fékk yfir sig gasgusur frá fólkinu sem á að vernda og þjóna"

 

 


Haukur Mótmælandi ....Látin laus.- Myndir

Haukur tók það fram að hann hefði staðið frammi fyrir erfiðri ákvörðun þar sem hann vill ekki láta borga fyrir sig,sá sem borgaði gerði það undir nafnleynd. Hann tók það fram að hann hefði ákveðið láta undan þar sem lögreglan sagði honum að það væri fullt af fólki sem væri í "Hættu" hans vegna.

Hann vildi ekki taka ábyrgð á slíku og lét undan.

Móði hans er enn á slysavarðsdeild.

 

CIMG3928CIMG3927CIMG3926CIMG3925


Mótmæli við lögreglustöðina á Hverfisgötu- Móðir drengsins uppá slysó-GAS.

Haukur er hann kallaður mótmælandinn sem hnepptur var í varðhald í gær, ólöglega að mér skilst. Get ekki staðfest það að svo stöddu. Hann mætti í alþingishúsið og einhver í Samfylkingunni bauð honum uppá kaffi og spjall og á meðan var Lögreglan var á leiðinni.

Ég var staddur þarna og get staðfest að móðir drengsins kom og hélt ræðu en hún er núna farinn uppá sjúkrahús vegna þess að á hana var sprautað táragasi.......

 CIMG3924CIMG3923CIMG3922CIMG3921CIMG3920CIMG3919

 


Næsta síða »

Um bloggið

Oktober

Höfundur

oktober
oktober
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • CIMG3928
  • CIMG3927
  • CIMG3926
  • CIMG3925
  • CIMG3924

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband